Ikki fleiri túrar í bræði

Hóast peningur er settur av á fíggjarlógini til ein túr aftrat hósdag millum Havnina og Krambatanga, so kemur triði túrurin ikki í ferðaætlanina fyribils, tí Smyril í hesum døgum leggur um frá tungolju til dieselolju.

Tað slepst ikki undan trupulleikum, meðan lagt verður um. Tað upplýsti Henrik Old, landsstýrismaður í samferðslumálum, í tinginum í gjár, tá hann svaraði einum munnligum fyrispurningi frá Jacobi Vestergaard, løgtingsmanni.

Jacob Vestergaard vil eisini hava at vita frá Henriki Old, hvussu gongst at fáa internetviðurskiftini umborð á Smyrli uppstigað.

Landsstýrismaðurin segði, at nú verður uppstigað til 3G á farleiðini millum Havnina og Krambatanga: segði Henrik Old, landsstýrismaður, í tinginum í gjár.