Eivør fær starvsløn í trý ár

Eivør Pálsdóttir fær nú høvið at savna seg um tónleikin. Mentanargrunnur Landsins letur Eivør Pálsdóttir starvsløn í trý ár.

SÍ EISINI Sí allan listan: Hesi fáa starvsløn

Tað hevur grunnurin júst kunngjørt í tíðindaskrivi, har tað verður kunngjørt, hvussu grunnurin letur stuðul til listaligt og mentanarligt virksemi í 2016.

Seks ár síðani seinast

Tað er ikki á hvørjum degi - og heldur ikki hvørjum ári - at Mentanargrunnur Landsins letur starvslønir í trý ár til mentanarligt ella listaligt virksemi.

Seinast, Mentanargrunnur Landsins læt starvsløn í trý ár, var í 2010. Tá fekk Tróndur Bogason, tónaskald, starvsløn úr grunninum í trý ár.

Til samans høvdu 107 fólk søkt um stuðul úr Mentanargrunni Landsins í ár. Grunnurin játtaði 33 umsóknum stuðul.