Asbjørn Senior seldur til Russlands

Asbjørn Senior varð strikaður í føroysku skipaskránni í gjár. 

Nótaskipið Asbjørn Senior er aftur selt av landinum, hesa ferð til eitt felag í Russlandi.

Skipið er selt fyri sjey milliónir og 525.000 evrur, sum eru 56 mió. kr.

Asbjørn Senior varð keyptur úr Hirtshals til Vágs á sumri í 2014 fyri 67 mió. kr.

Asbjørn Senior varð fyrsta hálva árið í Føroyum seldur fleiri ferðir aftur og fram úr Vági til ymisk feløg í Thorsamtakinum í Hósvík, sum høvdu makrelkvotur, sum Asbjørn Senior so fiskaði. 

Hann er eisini seldur av landinum fyrr, til Belis, og keyptur aftur til Vágs fyri 67 milliónir krónur hvørja ferð.