Turkaland hevur fingið størri vald í Evropa

Tey eru boðini nú ES-londini umrøða avtaluna sum er gjørd við Turkaland um flóttafólkini.

Kundu loyst trupulleikan sjálv

Turkaland gekk við til at taka ímóti flóttafólkum, sum Grikkaland sendir aftur til Turkalands, men afturfyri skulu londini í ES taka ímóti 72.000 flóttafólkum úr Turkalandi, samstundis, sum Turkaland fær stórar peningaupphæddir, og tað skal gerast lættari hjá turkum at ferðast til ES.

- Vit kundu havt loyst trupulleikan sjálv, um londini í ES gjørdu eftir uppskotinum hjá ES-nevndini, sigur talskvinnan fyri javnaðarveingin í ES-tinginum, Gianni Pittelia.

- Avtalan við Turkaland er veik, men hon er gjørd tí londini í ES ikki kundu semjast um nakað annað, sigur talskvinnan fyri liberala veingin í ES-tinginum, Sophie in’t Veld.

Undir orðaskiftinum varð funnist hvassliga at ES, tí samveldið tveitir ábyrgdina frá sær og letur lagnuna hjá flóttafólkunum upp í hendurnar á Turkalandi og Grikkalandi, var semja um ímillum politikarar úr øllum flokkum í ES.