Føroyar smurdu Írland av

Føroyar vunnu í kvøld uttan stórvegis trupulleikar á Írlandi. Dysturin endaði 3-0, settúrslitini vóru 25-8, 25-12 og 25-11.

Tað sást longu tíðliga í dystinum, at tær føroysku vóru væl sterkari, og sigurin var heldur ongantíð í vanda.

Í morgin skal føroyska liðið aftur spæla, tá er Liktenstein mótstøðuliðið.

Liktenstein tapti í dag 0-3 fyri Kýpros, men hildið verður tó, at tær eru væl sterkari enn Írland.