Nú byrjar almenna vitjanin

Klokkan eitt korter til tíggju fyrrapartin byrjar almenna vitjanin hjá Margretu drotning í Føroyum, tá Dannebrog leggur at á Drelnesi

Klokkan 9:15 í morgun byrjar almenna vitjanin hjá hennara hátign Margretu drotning í Føroyum, tá Dannebrog leggur at bryggju á Drelnesi

Johnsigurd Johannesen

Bjarni Mohr

13.06.2016 - 09:06

Dannebrog leggur at á Drelnesi við mentanarhúsið Salt, har løgmaður, ríkisumboðsmaðurin og Kristin Michelsen, borgarstjóri, taka ímóti.

Drotningin kom til Føroya seinnapartin gjár við flogfari hjá danska herinum, og úr Vágum varð farið umborð á Dannebrog, sum lá á Kollafirði.

Drotningin fer fyrst at vitja Salt, har Ólavur Rasmussen, formaður í Salt-grunninum fer at greiða frá. Síðani verður farið til Hovs at vitja skúladepilin.

SÍ EISINI Her er skráin fyri drotningavitjanina í Suðuroy

Úr Hovi verður farið til Hvalbiar og Sandvíkar. Í Hvalba verður m.a. vitjað á Sambýlinum Óðalsbrekku, og í Sandvík verður farið inn á gólvið í elsta húsinum í Suðuroynni.

Seinnapartin verður vitjað á Tvøroyri, millum annað í húsunum, har kongaligi einahandilin helt til, á Varðanum Pelagic og umborð á M/S Thorshavn.

Í kvøld er býráðið á Tvøroyri vertur við døgurða á Seglloftinum. Í morgin vitjar drotningin í Havn.