- Tíðindi, mentan og ítróttur
Barn álopið: Nú verða svanar avlívaðir
Barn álopið: Nú verða svanar avlívaðir
Álop á eitt barn kostar svanunum á vatninum við Mølina á Eiði lívið. Eitt smábarn á súkklu varð herfyri álopið
Eitt smábarn, sum súkklaði á gøtuni við vatnið á Eiði, bleiv álopið av einum svanapari. Álopið kostar nú svanunum við Mølina lívið
28.06.2016 - 10:12
Jógvan í Skorini, borgarstjóri á Eiði, sigur, at eitt samt bygdarráð í Eiðis kommuna í gjár avgjørdi at avtaka svanirnar.
Orsøkin er, sigur borgarstjórin, at eitt smábarn, sum súkklaði á gøtuni við vatnið, bleiv álopið av einum svanapari.
Vaksin komu framvið og hjálptu barninum, sum ongan skaða fekk. Jógvan í Skorini sigur, at kommunan er í hesum føri at meta sum eitt húsarhald.
Um eitt húsarhald hevur eitt kríatúr, sum ger seg inn á fólk, verður kríatúrið avtikið. Svanarnir eru avsagdir í samráði við avvarðandi mynduleikar, sigur borgarstjórin á Eiði.
Er kopiera
Nýggjastu sendingar í ÚV
Nýggjastu sendingar í SV
