- Tíðindi, mentan og ítróttur
Gransking og útbúgving á sama stað

Tað er ein niðurstøða hjá arbeiðsbólkinum, sum Rigmor Dam, landsstýriskvinna, setti í desember í fjør at fyrireika eina framtíðarætlan fyri Fróðskaparsetrið.
Arbeiðsbólkurin var liðugur í gjár. Fróðskaparsetrið húsast í tíggju bygningum, og at kalla eingi felagsøki eru til lesandi og starvsfólk.
Fleiri útbúgvingar fyrireikaðar
Fróðskaparsetrið hevur 7.800 fermetrar til 810 lesandi og 130 starvsfólk, sum tí hava 8,3 fermetrar í part.
Tað er lítið samanborið við onnur universitet, stendur í frágreiðingini, sum landsstýriskvinnan fekk í gjár.
Fróðskaparsetrið hevur 13 bachelorútbúgvingar, seks masterútbúgvingar og fimm hjánámsútbúgvingar. Fleiri útbúgvingar verða fyrireikaðar.


























