Eingin bjóðaði uppá svartkjaftin

Eingin svartkjaftur varð seldur á uppboði mánadagin, tá Fiskamarknaður Føroya bjóðaði út rættindi at veiða 5.000 tons av svartkjafti fyri Fiskimálaráðið fyri 30 oyru tonsið, sum minstaprís.

Men eingin keypari var til ásetta minstaprísin. Tríggir keyparar vóru tilmeldaðir uppboðssøluna.

Uppboðssøla av hesum 5.000 tonsunum av svartkjafti verður tikin uppaftur á Fiskamarknaði Føroya nú klokkan 11. Tey 5.000 tonsini verða seld í 15 pørtum, ein partur er 240 tons, og hinir 14 eru á 340 tons.