Fer at kosta omanfyri 100 milliónir

Danski staturin skal keypa gamla BankNordik bygningin í Húsagøtu í Havn og eitt lendi við bygningin frá Tórshavnar kommunu fyri 41,5 milliónir krónur. Tað sæst í fíggjarnevndarskjalínum, sum Fíggjarnevndin hjá Fólkatinginum nú hevur fingið.

Harafturat skal bygningurin umvælast og nútímansgerast fyri meira enn tað dupulta, so samanumtikið fer nýgggja politistøðin í Havn at kosta 105,9 milliónir krónur.

SÍ EISINI Vil vita, hvussu verður við bygninginum

Nú eru meira enn tvey ár síðani, at danska Bygningsstyelsen spurdi Tórshavnar kommunu, um til bar at keypa BankNordik bygningin, tí hann skal leigast Ríkispolitinum.

8. januar í ár gjørdu Bygningsstyrelsen og Tórshavnar kommuna treytaða keypsavtalu. Treytin er, at Fíggjarnevndin hjá fólkatinginum góðkennir keypið. 

Tórshavnar kommuna keypti bygningin frá BankNordik hálvan mai 2013 fyri 40 milliónir krónur. BankNordik fekk sínar pengar frá kommununi í januar í ár. Fíggjarnevndin hjá Fólkatinginum hevur fund í dag.