Nýggjan skúla fyri 96 milliónir

Fuglafjarðar býráð samtykti í gjár einmælt at fara undir skúlabygging fyri 96 milliónir krónur.

Býráðið samtykti at taka undir við dispositiónsuppskotinum frá MAP-arkitektum, sum byggir á byggiskránna, ið varð samtykt 26. mai. 

Skúlin skal vera meira enn ein vanligur skúli. Hann skal vera opin frá tíðliga á morgni, til seint á kvøldi. Skúlin skal eisini vera mentanardepil og fer at hýsa musikkskúla, kvøldskúla og bókasavni.

Sambært uppskotinum verður gólvvíddin í skúlanum til samans 3.350 fermetrar umframt 220 fermetrar í verandi skúla, sum verður umbygdur.