Kunnu ikki útbúgva læknar

Kunnu ikki útbúgva læknar
Læknalestur í Føroyum krevur eina rúgvu av serlæknum, men teir serlæknarnir eru ikki í Føroyum í løtuni
Tað ber ikki til at fara undir læknalestur í Føroyum, soleiðis sum støðan er nú, verri enn so, heldur Læknafelagið
 
25.10.2016 - 08:11

Tað ber ikki til at fara undir læknalestur í Føroyum, soleiðis sum støðan er nú, verri enn so. Tað heldur Læknafelagið.

Læknalestur í Føroyum krevur eina rúgvu av serlæknum, sum verða knýttir at Fróðskaparsetrinum. Og teir serlæknarnir eru ikki í Føroyum nú.

Mæla til føroyska útbúgving

Verkætlanarbólkurin, ið skrivaði álit um føroyska heilsuverkið, mælir til, at ein læknaútbúgving verður sett á stovn á Fróðskaparsetri Føroya.

Mælt verður til at hava 10 lesandi hvørt ár á bachelorstigi, og tað skal gerast í samstarvi við fróðskaparsetur uttanlands.

Læknalestur í Føroyum hevði útvegað og varðveitt fleiri heilsustarvsfólk, heldur verkætlanarbólkurin. Men í Føroyum er trot á læknum.

Játtanin má hækkast

Fyrsta stig er at hækka játtanina til heilsuverkið munandi, so læknar fáa eina rímiliga arbeiðsviku.

Ikki fyrr enn tá verður tíð til akademiskt virksemi eisini, bæði undirvísing av studentum og til gransking, heldur Læknafelagið.

Men alt hetta kostar nógvar pengar, minnir Læknafelagið á.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442