- Tíðindi, mentan og ítróttur
1870 riggar ikki

<p>Læknaviðtalan 1870 á Landssjúkrahúsinum virkar als ikki.</p>
<p>Tað er niðurstøðan hjá Jóhannes Petersen í Syðrugøtu, sum sunnukvøldið 6. november hevði tørv á at fáa eina sproytu fyri stívkrampa, eftir at hann var bitin av einum hundi. </p>
<p>Hann starvast hjá Eysturkommunu, og tað kvøldið bað løgreglan hann fara eftir einum hundi, sum var meldaður fleiri ferðir. Tað var tá hann tók hundin, at hann varð bitin.</p>
<p>Jóhannes Petersen ringdi tí "1870", sum er læknaviðtalan á Landssjúkrahúsinum, og " 112", sum er løgreglan. Hann fekk tó ikki samband við nakran á "1870". </p>
<p>Jóhannes Petersen koyrdi til Klaksvíkar sjúkrahús, har hann fekk eina sproytu.</p>
<p>Tá hann hevði fingið sproytuna, ringdi løgreglumaðurin aftur, og hann hevði tá enn ikki fingið samband við "1870".</p>
<p>Hetta var 43 minuttir aftaná,at Jóhannes Petersen hevði ringt "1870" fyrstu ferð.</p>
<p>- Tað líkist svartasta ongum, sigur Jóhannes Petersen. </p>


























