Norska stjórnin hórar undan

Noreg sleppur undan stjórnarkreppu.

Í gjárkvøldið eydnaðist tað stjórnarflokkunum, Høgra og Framburðsflokkinum, at semjast við báðar stuðulsflokkarnar, Vinstra og Kristiliga fólkaflokkin, um fíggjarlógina næsta ár.

Stuðulflokkarnir vildu í fyrstu atløgu ikki góðtaka uppskotið hjá stjórnini, tí ov fá umhvørvisátøk vóru í fíggjarlógini.

Sambært semjuni, sum nú er gjørd, hækkar avgjaldið á bensini 15 oyru og á dieselolju 35 oyru, og almenna ferðslan fær eisini størri játtan.

Ætlanin er, at Stórtingið skal avgreiða fíggjarlógina í morgin.

Fekst eingin semja um fíggjarlógina, hevði stjórnin hjá Ernu Solberg, forsætisráðharra, helst verið noydd at lagt frá sær.