Arbeiðsøki hjá ráði avmarkast

Ráðið skal ikki, sum uppskotið í 2014, eisini viðgera etiskar spurningar á náttúru- og umhvørvisøkinum. Tað uppskotið tók Karsten Hansen, táverðandi landsstýrismaður, sjálvur aftur.

Sirið Stenberg, sum nú er landsstýriskvinna í heilsumálum, heldur, at tíðin nú er komin at seta Etiskt ráð. 

Bæði politiska skipanin og fakfólk meta, at brúk er fyri einum ráði, ið skal fremja og styrkja kjak og vitan um etiskar spurningar, eitt nú um genomgransking og genomkanningar. 

SÍ EISINI Radarin: Óheppið at landsstýrið velur Etiska ráðið

Sjey fólk skulu vera í Etiska ráðnum. Landsstýriskvinnan í heilsu- og innlendismálum tilnevnir formannin í ráðnum og ein afturat.

Landsstýrismaðurin í vinnumálum og landsstýriskvinnan í kirkjumálum koma við uppskoti um hvør sín lim, og flokkarnir í Løgtinginum koma við tilmæli um tríggjar limir.

Etiska ráðið skal byrja 1. januar í 2018. Tað er mett at kosta 560.000 krónur um árið.