Nýggjur borgarstjóri valdur í morgin

Klokkan 20 í annaðkvøld fer nýggja býráðið í Havn at skipa seg.

Heðin Mortensen hevur kallað inn til fundar í annaðkvøld, sæst á heimasíðuni hjá Tórshavnar kommunu.

Á skránni er millum annað val av borgarstjóra, val av varaborgarstjóra, umframt val av nevndum. 

Annika Olsen tekur við, sum borgarstjóri í Havn á nýggjárinum, eftir Heðin Mortensen, sum hevur verið borgarstjóri í 12 ár.

Sambært lógini, so er tað fyrstvaldi býráðslimur, ið kallar inn til fundar, og tað er Heðin Mortensen, sum fekk 2506 atkvøður á Javnaðarlistanum.

Annika Olsen fekk 332 atkvøður á Fólkaflokslistanum.

Fólkaflokkurin, Tjóðveldi og Framsókn hava gjørt samgongu í Tórshavnar býráð.

Gunvør Balle úr Tjóðveldi verður varaborgarstjóri.

Nýggja býráðið tekur við á nýggjárinum.