Danmark hevur dýrastu matvørur í Evropa

Nýggj tøl frá Eurostat vísa, at bíligasti maturin er í Polen, - 42 prosent undir miðalprísin í ES. 

Yvirlitið er fyri alt ES og 10 onnur lond í Evropa. 

       Her kanst tú síggja yvirlitið hjá Eurostat

Kanningin fevnir um umleið 440 matvørur, sum kunnu berast saman.

Dýrast uttanfyri ES

Sveis, sum ikki er limur í ES, hevur greitt dýrastu matvørur, - har er prísstøðið 72 prosent omanfyri miðal í ES. 

Noreg, sum heldur ikki er limur í ES, er á øðrum plássi við 60 prosentum omanfyri miðalprísstøðið, Danmark, sum ER limur í ES, er á triðja plássi við 45 prosentum omanfyri miðalstøðið og Ísland, sum IKKI er limur í ES, er á fjórða plássi, - har kostar matvørur, drykkjuvørur og tubbak 30 prosent meira enn miðal prísstøði í Evropa.

Holland, Grikkaland og Týskland eru tey londini, sum liggja nærmast miðaltalinum.