Christian heldur fram sum forseti í FSF

Christian Andreassen er  afturvaldur sum forseti í Fótbóltsambandinum.

FSF hevði aðalfund í gjár.

Christian Andreassen var einasta valevnið.

MB valdi annars stutt fyri freistina at skjóta Høgna í Stórustovu upp sum mótvalevni, men felagið tók uppstillingina aftur dagin eftir.

Orsøkin var innanhýsis trýst, varð sagt.

Sitandi nevndarlimir vóru eisini afturvaldir uttan mótvalevni. Teir eru Róin Schrøter, Jákup Martin Joensen og Fríðin Ziskason.

Roknskapurin hjá Fótbóltssambandinum var eisini góðkendur á aðalfundinum í gjár. Avlopið í 2016 var 600.000 krónur.