Avgjørt: Grótið fer á Sund

Men fleiri hava sýnt økinum áhuga, millum annað Brennistøðin, Brandskúlin, Kosangas og Biogas, sigur umsitingin hjá Tórshavnar kommunu.

Ætlanin er leggja grótið eystan fyri verandi bryggju á Sundi. Tað samtykti Vinnunevndin hjá býráðnum síðst í oktober í fjør.

Hava mótmælt til fánýtis

Tekniski stjórin og býararkitekturin mæla til at halda fast við ætlaðu broytingina í almennu byggisamtyktini fyri økið eystan fyri havnarøkið á Sundi. 

Til býráðsfundin hóskvøldið mælir Byggi- og býarskipanarnevndin til at taka undir við hesum. Fólk í Kaldbak hava mótmælt ætlanini, men fingu ikki viðhald í Yvirfriðingarnevndini. 

Tey, sum mótmæla, siga, at økið, sum ætlanin er taka, er vakurt og serstakt og kemur tí undir lógina um náttúrufriðing.