- Tíðindi, mentan og ítróttur
Sí nýggja kinesiska flogberan
Allarfyrsti flogberin, sum er bygdur í Kina, varð sjósettur í dag. Skipið, ið ikki er doypt enn, verður ætlandi klárt at taka í nýtslu tíðliga í 2020.
Flogberin, sum vigar 50.000 tons, er bygdur á eini skipasmiðju í býnum Dalian, har hin flogberin í kinesiska flotanum varð høvuðsumvældur.
Flogberin er – eins og hin flogberin – bygdur eftir russiska Kuznetov-sniðinum, sum millum annað er eyðkent við, at flogbreytin er sum bogin eins og breytin til skíðlop.
Hin flogberin er gamalt skip úr Sovjet
Hin flogberin í kinesiska flotanum, Liaoning, er keyptur úr gamla Sovjetsamveldinum.
Liaoning, sum varð liðugt bygdur í 1985, æt upprunaliga Riga.
Hann varð sjósettur í 1988, og varð seinni settur til sølu, eftir at Sovjetsamveldið fall.
Hann varð seldur kinesarununum í 1998 og skrokkurin togaður til skipasmiðjuna í Dalian, har hann varð høvuðsumvældur.
Liaoning varð sjósettur í 2012, og varð alment tikin í nýtslu í november 2016.
(KELDA: AP)