Gówa vann Sement 2024

Gówa vann Sement 2024
Tað gjørdist progressivi fusiónsbólkur Gówa, við Onnu Sofíu Skoradal á odda, ið vann Sement 2024
Bólkurin Gówa við Onnu Sofíu Skoradal á odda
 
28.04.2024 - 09:41

“Dómararnir hildu als ikki, at tað var trupult at velja vinnararnar,” staðfesti eygagóði Sement-verturin, Bjørk Sigurdsdóttir Lamhauge, tá hon seint leygarkvøldið skuldi kunngera vinnararnar av Sement 2024.

Tað gjørdist bólkurin Gówa, við Onnu Sofíu Skoradal á odda, ið vann Sement í ár. Gówa á baki komu Ragnar Finsson á øðrum plássi, meðan Ása Helena Brynjardóttir bleiv nummar trý. 

Hini, ið høvdu spælt seg í finaluna, vóru Ókendir, Jákup Eli og Ester Skála, 

Dómararnir hildu, at Gówa var "ein samlaður pakki" og tískil hevði uppiborið sigurin. Við sigrinum fylgir tíð í upptøkuhøli. 

 

Ása tók øll á bóli

Eitt er, hvat vit í Føroyum billa okkum inn er gott, og harvið skapa stórt hype rundaum. Nakað annað er, hvussu útlendingar hoyra føroyskan tónleik. Gløgt er gestsins oyra, kanst tú siga. 

Ein av vinningunum í ár var at sleppa at spæla á viðurkenda danska bransjufestivalinum Spot, har eitt nú Teitur Lassen varð uppdagaður í síni tíð. Heldur óvæntað, so valdu fólkini frá Spot festivalinum at geva Ásu Helenu Brynjardóttir, ið er eitt rættiliga óskrivað blað á føroyska tónleikapallinum, plássið á skránni til Spot festivalin í Aarhus um eina viku. 

G! festivalurin fór eisini uttan um vinnaran, tá festivalurin valdi at geva Ragnari Finssyni eitt pláss á G! plakatini í summar. 

 

Sement finalan kann síggjast á KVF Sjón

 

 

Er kopiera
Nýggjastu sendingar í ÚV
Hósdag 3. apríl
Brot úr Føroya søgu
190189
Hósdag 3. apríl
Góðan morgun Føroyar
190188
Hósdag 3. apríl
Morgunlestur hósdagur 3.apríl 2025
189978
Mikudag 2. apríl
Eitt korter við klassiskum
190152
Nýggjastu sendingar í SV
Hósdag 3. apríl
Dagur og vika - teknmálstulkað
190180
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125
Sunnudag 30. mars
Andakt
190022