Kanning: Føroyingar eydnusamast í heiminum

Kanning: Føroyingar eydnusamast í heiminum
Fólk í Føroyum eru eydnusamari enn fólk í grannalondunum, ið annars siga seg vera eydnusamastu lond í heiminum, sigur Fólkaheilsuráðið
Føroyingar eru eydnusamastu fólkini í heiminum sigur Fólkaheilsuráðið í nýggjari kanning, har Føroyar eru samanbornar við hini OECD-londini
 
10.05.2017 - 10:59

Hvussu langt síðani er tað, tú hevur hitt ein føroying, sum ikki er eydnusamur?

Langt síðani, sambært Fólkaheilsuráðnum. Tí vit føroyingar eru eydnusamasta fólk í heiminum, er niðurstøðan í nýggjari fólkaheilsukanning, sigur Fólkaheilsuráðið.

- Lívsnøgdsemi føroyinga er væl hægri enn í grannalondum okkara, sum annars eru eydnusamastu londini, staðfestir ráðið í nýggju kanningini, ráðið hevur gjørt.

Vit eru væl nøgd við lívið og hugsa ja-ligt um framtíðina. Og vit meta sjálvi, vit hava góða heilsu, og vit luttaka gleðiliga í øllum samfelagsviðurskiftum, sambært kanningini.

Kannaðu 10 ymisk ting

- Kanningin er við til at geva okkum í Fólkaheilsuráðnum eina heildarmynd av nøgdseminum í føroyska samfelagnum, sigur Magni Mohr, formaður í Fólkaheilsuráðnum.

Í kanningini, sum er gjørd eftir altjóða leisti, varð spurt, hvussu vælnøgdir føroyingar eru við:

  • býli
  • inntøku
  • arbeiði
  • sosialt lív
  • útbúgving
  • umhvørvi
  • samfelagsluttøku
  • heilsu
  • lívsnøgdsemi
  • tryggleika
  • javnvág millum arbeiði og frítíð

Hóast miðaltølini hjá føroyingum eru so høg, at vit kunnu kalla okkum heimsins eydnusamasta fólk sambært Fólkaheilsuráðnum, er miðaltalið hjá føroyingum kortini undir miðal innan útbúgving og heilsu.

Sí útgreinað tøl og alla frágreiðingina her: Lívið í Føroyum er framúr (PDF-skjal, letur upp í nýggjum kaga)

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565