Bjørn spyr um veiðiloyvi

Spurningurin um at flyta veiðiloyvi frá línuskipum til uppsjóvarskip, kemur nú upp á politiskt stig. Bjørn Kalsø í Sambandsflokkinum hevur sett Høgna Hoydal, landsstýrismanni í fiskivinnumálum ein grein 52 spurning um málið.

Um Høgni Hoydal svarar játtandi, vil Bjørn Kalsø hava at vita, hvørjar avleiðingar landsstýrismaðurin heldur, at tað eigur at fáa.

Tingmaðurin hjá Sambandsflokkinum vísir á, at í einum kjaki í Degi og Viku í desember í 2014 var Høgni Hoydal, sum tá varð tingmaður, sera avgjørdur um fyrisitingina hjá táverandi landsstýrismanni, og somu sjónarmið førdi Høgni Hoydal eisini fram fleiri ferðir í tinginum. Og tað hevur verið sum at bera brenni á bálið, tá løgtingsins umboðsmaður kom til niðurstøðuna, at fyrisitingin hevði ikki verið í lagi.

Spurningar, sum verða settir eftir grein 52 í tingskipanini, skulu svarast 10 yrkadagar eftir, at teir eru settir.