Lættari at hava turt og ræst við til Íslands

Seinastu árini hava føroyingar havt møguleika at innflyta kjøt til Íslands, treytað av, at teir hava søkt og fingið loyvi frá íslendsku myndugleikunum, og at tey hava heilsuváttan frá føroysku myndugleikunum, sum staðfestir, at sjúka ikki er í økinum, sum seyðurin er frá.

Íslendsku myndugleikarnir hava frá 14. juni 2017, broytt reglurnar soleiðis, at tað ikki longur er neyðugt við heilsuváttan frá føroyskum embætisdjóralækna. 

Tó er enn sum áður neyðugt at søkja íslendska myndugleikan, MAST, um loyvi.