Politiið ikki avhoyrt mannin í deyðsvanlukkuni

Politiið í Føroyum veit ikki meira um deyðsvanlukkuna norðanvert í Svíngjógv sunnan fyri Saksun seinnapartin mikudagin. Ein 41-ára gamal maður doyði, tá hann sjálvur fall í gjónna. Hin maðurin, sum er 79 ár, fekk stóran skaða.

Men læknarnir á Landssjúkrahúsinum hildu, at hann kundi fara til Danmarkar, har hann býr. Politiið ætlaði at avhoyra mannin, áðrenn hann fór av landinum hóskvøldið, men tað hildu læknarnir ikki var ráðiligt.Poliitið sigur tó, at einki illgrunasamt er við hendingini. Hetta er ein vanlukka.　

Teir báðir menninir vóru í einum ferðalagi, sum taldi tíggju fólk. Tey vóru á veg oman á landsvegin, tá vanlukkan hendi. Menninir, sum fullu, gingu aftan fyri hini í ferðalagum, so eingin sá, hvat hendi. Maðurin, sum doyði, var svii.