Álop við sýru í London

Álop við sýru í London
Bretska løgreglan hevur biðið almenningin um hjálp at finna upplýsingar um fleiri álop við sýru í London í gjárkvøldið
 
14.07.2017 - 17:48

Metropolitan Police í London kannar fimm hendingar í gjárkvøldið, har fimm persónar eru álopnir við at sýra er kastað á tey. 

Allar fimm hendingarnar vóru innanfyri 90 minuttir, og fóru fram í eysturpartinum av London.  Har koyrdu gerningsmenninir á prutli upp á síðuna av ofrinum og stoyttu sýru ella líknandi vætu í andlitið á teimum.

Ofrini vóru flutt á ymisk sjúkrahús í London. Eitt av teimum hevur fingið "lívsbroytandi skaða", skrivar BBC.

Tannáringur handtikin

Fyrsta álopið hendi, tá ein 32 ára gamal maður um hálvgun ellivu-tíðina í gjárkvøldið koyrdi á prutli sínum í økinum við Hacney. Tveir menn koyrdu upp á síðuna á og stoyttu etsandi løg í andlitið á honum. Síðani stjólu teir prutlið.

Næsta tíman hendu fýra líknandi álop aftrat, og løgreglan heldur, at álopini kunnu knýtast saman.

Ein tannáringur handtikin í málinum. Hann er nú á politistøðini í eystur London, skrivar Metropolitan Police í tíðindaskrivi, sambært Ritzau.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565