Eingin listeria funnin

Bakkafrost kann við heilsuváttan frá Heilsufrøðiligu starvsstovu í hondini útflyta laks aftur til Russlands.

Bakkafrost útflutti laks til Russlands í gjár. 

Eingin listeria varð funnin í royndunum, sum vórðu tiknar av laksinum á virkinum á Glyvrum mánadagin. 

Heilsufrøðiliga starvsstovan gavst við at geva heilsuváttanir til laks, sum skuldi til Russlands, tann 23.juni.

Avgerðin var galdandi frá 19.juni.

Listeria varð staðfest í einum av fimm royndum, sum vórðu tiknar av laksi, sum var kruvdur á virkinum á Glyvrum.

Framleiðslan varð síðani flutt til Kollafjarðar.

Fólkið á virkinum á Glyvrum hevur verið í summarfríi, men byrjaði aftur mánadagin.