Keyptu fyri 19 milliónir krónur

Fiskamarknaðurin hevur selt rættindi at fiska makrel og botnfisk í Barentshavinum fyri góðar 19 milliónir krónur.

Fyrsta opna uppboðssølan í ár hevur verið.

Seld vóru rættindi at fiska 5.447 tons av makreli og 1.106 tons av botnfiski í russiska partinum av Barentshavinum.

10 fyritøkur royndu at keypa, sjey teirra vunnu á uppboðssøluni.

Bæði Pelagos og Vestmanna Seafood keyptu makrelrættindi til Fram.

Næraberg keypti mest á uppboðssøluni, 1.910 tons fyri góðar 6 milliónir krónur.

Eisini keypti Framherji til Høgaberg, og Varðin keypti til Tummas T.

Norðborg keypti eisini makrelrættindi á uppboðssøluni.

Makrelrættindini kostaðu í alt slakar 17 milliónir krónur. Miðalprísurin var 3,12 krónur.

J.F.K Trol keypti til Gadus øll rættindini til botnfisk í Barentshavinum, 1.106 tons fyri 2,1 millión krónur.

Og í alt kostaðu rættindini at fiska góðar 19,1 millión krónur