Breti horvin í Føroyum

Løgreglan leitar eftir einum 58 ára gomlum breta, sum er horvin, meðan hann hevur verið í Føroyum

Maðurin eitur Phillip Wallam og kallar seg Phil Wallam. Hann er helst komin til Føroya tann 6. august og hevði ferðaseðil við flogfari úr Føroyum tann 17, august til Edinburg, men møtti ikki. 

Nú sóknast stjórin hjá honum eftir honum hjá føroysku løgregluni.

Phil Wallam er er 58 ár og sigst at vera í Føroyum á camping feriu, kanska í telti og skuldi vera í Føroyum í umleið tvær vikur.

Løgreglan vil fegin frætta frá fólki, sum hevur hitt hann og kanska veit, hvar hann kann hava verið. Hetta eitt nú fyri at vita, hvar man skal leita eftir honum, um hann er farin í fjøllini.

Mynd av manninum er á heimasíðini hjá okkum kvf.fo