Vágs kommuna strikar skuld, pengarnir fáast ikki

34 fólk, sum skylda Vágs kommunu pengar, sleppa nú undan at gjalda skuldina. 

Býráðið hevur strikað hana.

Skuldin er tilsamans 18.745 kr. 

Hon er eldri enn 1.januar 2013.

Nógvir rykkjarar

Skuldin stavar frá barnaansing og Vágs havn, sum leigar neystagrundir.

Bókhaldið hjá Vágs kommunu hevur sent nógvar rykkjarar eftir pengunum.

Størsti skuldarin er fluttur til Danmarkar. 

Einki svar er komið haðani upp á rykkjarar seinastu árini, stendur í skránni fyri býráðsfundin.

Mánadagin samtykti býráðið so einmælt at strika skuldina hjá øllum 34.