14 vilja vera stjóri á Námi

14 fólk vilja vera stjóri á Námi, nú evstamark at søkja er farið,  fýra kvinnur og tíggju menn.

Uppgávan hjá stjóranum í Námi er, sambært starvslýsingini , at leiða ein stovn, har læring og námsfrøðilig menning eru kjarnuøkini.

Stovnurin skal útvega undirvísingarverkinum fjølbroyttar og tíðarhóskandi undirvísingarmiðlar.

52.000 kr. um mánaðin

Lønin er stívliga 52.000 krónur um mánaðin, umframt 15 prosent í eftirløn.

Nýggi stjórin skal taka við starvinum sum skjótast.

Stjórastarvið á Námi varð leyst at søkja, tá stjórin síðsta hálvt triðja árið, Regin Marnersson, varðsettur í starv sum skúlastjóri í Skúlanum á Fløtum í Havn.