Harður jarðskjálvti í Meksiko

Skjálvtin hevur eisini rakt høvuðsstaðin, Mexico City, sum er ein av heimsins størstu býum, upplýsir AP. 

Hetta er harðasti jarðskjálvti síðani 1985, skrivar Reuters.

Sambært tíðindastovum, flýggja fólk úr bygningum í høvuðsstaðnum, at ótta fyri, at teir skulu rapa.

Tvey fólk hava latið lív í Chiapas, skrivar Reuters.

Enn ein jarðskjálvti

Stutt eftir fyrsta skjálvtan varð ein nýggjur jarðskjálvti skrásettur uttanfyri býin Paredon í landnyrðings Meksiko. Hann var 5,7 í styrki.

Myndugleikarnir hava sent út ávaring um flóðaldur næstu tríggjar tímarnar fram við strondini í Meksiko, Guatemala, El Salvador, Costa Rica, Nikaragua, Panama og Honduras. 

Eingin ávaring eru fyri amerikonsku vesturstrondina.

Sambært vísindaliga felagsskapinum, EMSC, vardi jarðskjálvtin í fýra minuttir í Meksiko city.