Seldu sild og svartkjaft fyri 13 mió. kr.

Selt varð fyri umleið 12,7 milliónir krónur á fjórðu opnu uppboðssøluni á Fiskamarknaðinum í dag.

8.500 tons av norðhavssild vórðu seld fyri knappar 10,3 milliónir krónur. Meðalprísurin var 1,21 krónur kilo.

9.300 tons av svartkjafti vórðu seld fyri góðar 2,4 milliónir krónur. Meðalprísurin var 25 oyru.

Christian í Grótinum keypti 450 tons av norðhavssild, Borgarin 1.800 tons, Norðoyingur 1.450, Næraberg 800, Fagraberg 1.000 tons, Nýborg 500 tons, og Arctic Voyager keypti 2.500 tons av norðhavssild.

Borgarin keypti 400 tons av svartkjafti, og Arctic Voyager keypti 8.897 tons. 

Við søluni í dag hevur landskassin fingið umleið 123 milliónir í inntøku frá uppboðssølunum, sum hava verið.

Seinasta uppboðssølan á hesum sinni verður hósdagin.

Tá verða seld 9.300 tons av svartkjafti og 8.500 tons av norðhavssild á afturlatnari uppboðssølu, sum Vørn stendur fyri.