Varðhaldsfongslaður í 14 dagar

Tað var seint seinnapartin í gjár, at løgreglan fekk fráboðan um, at nakrir persónar høvdu verið í hornatøkum í miðbýnum í Havn. 

20 ára gamli maðurin hevði tá havt knív á lofti, - knívurin bar við ein 61 ára gamlan mann, sum fekk smávegis snuddir. 

Tað er álvarsligt, tá knívur verður brúktur, og av tí at 20 ára gamli maðurin fyrr er dømdur fyri harðskap, varð hann varðhaldsfongslaður í 2 vikur, sigur Kristian Dahl, vaktleiðari á politistøðini.