22 nýggjar íbúðir undir Gráasteini

Byggi- og býarskipanarnevndin í Tórshavnar býráð hevur samtykt at geva Bústøðum loyvi at halda fram við ætlanini at útstykkja undir Gráasteini til 22 íbúðir, upplýsir Tórshavnar kommuna í tíðindaskrivi.

Lendið, sum byggjast skal á, er í Havnardali, oman fyri krossin Landavegur-Velbastaðvegur.

Íbúðirnar verða í tveimum hæddum.

Á fyrstu hædd verða íbúðir við serligum atliti at rørslutarnaðum.

Íbúðirnar verða bygdar í røðum eins og raðhús.

Uttan um íbúðirnar verður felagsøki, ið eisini skal hýsa felagshøli og virkishøli til børn.

Íbúðirnar verða hitaðar upp við jarðhita.