Kann leingja veiðiloyvini eitt ár ella fimm ár

Uppskotið um at leingja galdandi lóg um vinnuligan fiskiskap er komið aftur úr Vinnunevndini.

Miðflokkurin legði uppskotið fram fyrst í august.

Meirilutin í Vinnunevndini, sum er andstøðan, mælir tó til at broyta uppskotið, so verandi skipan verður longd eitt ár í staðin fyri tvey, sum Miðflokkurin skeyt upp. 

Tað merkir, at galdandi veiðiloyvi vera í gildi til 1.januar í 2019.

Royndu semju

Hetta er gjørt í eini roynd at fáa semju, sigur meirilutin.

Men tað eydnaðist tó ikki, tí samgongufólkini í Vinnunevndini mæla frá at samtykkja uppskotið.

Í øðrum lagi mælir meirilutin í Vinnunevndini til at loyvini verður endurnýggjað fimm ár og ikki tvey ár. 

Meirilutin mælir til at strika orðini í uppskotinum hjá Miðflokkinum um, at veiðiloyvi, sum verða endurnýggjað, hava gildi í tvey ár. 

Onnur veiðiloyvi, sum verða latin eftir 1.januar 2020, hava gildi í tvey ár.