Verkfallið heldur fram

Verkfallið hjá Pedagogfelagnum móti Almannaverkinum heldur fram.

Tað eydnaðist ikki teimum løgtingsfólkum, sum royndu at fáa undirtøku fyri einum uppskoti um við lóg at áleggja Pedagogfelagnum at geva Almannaverkinum tey undantøk, sum tað biður um, at fáa nóg nógvar undirskriftir fyri at leggja uppskotið fram. Sambært stjóranum á Almannaverkinum, Edvard Heen, er støðan á fleiri av stovnunum undir Almannaverkinum hættislig. 

Vit tosa við hann í tíðindunum klokkan tíggju.

Verkbann heldur eisini fram

Verkbannið, sum Kommunala arbeiðsgevarafelag setti í verk hósmorgunin, heldur eisini fram.

Felagið sigur, at verkbannið skal skiljast sum eitt svar til verkfallið, sum Pedagogfelagið lýsti at koma í gildi fyri einari viku síðani.
 
Tað verkfallið umfatar leiðarar og varaleiðarar á dagstovnum.