Ikki so ljót kortini

Hon er ljót, søgdu nógv, tá tey týsdagin sóu nýggju politistøðina við Húsagøtu í Havn her á kvf.fo.

Myndina tók Kringvarpið á heimasíðuni hjá Bygningsstyrelsen, sum skal byggja politistøðina í Havn í gamla BankNordik bygninginum.

Myndin var saman við grein um verkætlanina.

Tá myndin hevði verið á kvf.fo í meira enn eitt samdøgur, gjørdi politiið í Føroyum vart við, at hetta var ikki rætta myndin.

Myndin, sum sigst vera tann rætta, er nú á heimasíðuni hjá Bygningsstyrelsen.

Og so kunnu fólk sjálvi døma, um politistøðin er vakrari nú.