Glasir liðugur í summar

Glasir verður liðugur, tá skúlarnir byrja aftur eftir summarfrítíðina. Tað sigur Ewald Kjølbro, stjóri á Landsverki.

Í apríl verður farið undir at flyta útgerð inn í sættu hæddina, sum er ovasta hæddin. Og so líðandi verður útgerð eisini flutt inn í hinar hæddirnar í bygninginum, so klárt verður í august, sigur hann.

Byggingin gongur sambært Ewaldi Kjølbro eftir ætlan, og avtalan er, at 6. apríl verður byrjað at flyta útgerð inn á ovastu hæddina. 

Gerðarrættarmál ikki avgjørt

Løgtingið játtaði í oktober í fjør 113,5 milliónir krónur afturat til Glasir, sum hevði við sær, at samlaði kostnaðurin kom upp í 636,5 milliónir krónur.

87 milliónir skulu brúkast at leggja út, til gerðarrætturin hevur tikið støðu til krøvini frá Landsverki móti byggifelagnum TG Verki og tryggingarfelagnum AXA. So endaligi byggikostnaðurin verður ikki greiður, fyrr enn gerðarættarmálið er avgreitt.

26,5 milliónir krónur skuldu nýtast til nýggj teknisk undirvísingaramboð og flagtekju