Fólk við menningartarni sama rætt til ferðastuðul

Fólk, sum hava menningartarn, hava sama rætt til ferðastuðul, um tey arbeiða á vardum verkstaði og hava langan veg til arbeiðis. 

Kristina Háfoss, landsstýriskvinna, hevur svarað Helga Abrahamsen, løgtingsmanni, sum spurdi um koyristuðul til menningartarnað. 

Hon svarar, at sambært TAKS verður lógin um stuðul til ferðaútreiðslur umsitin soleiðis, at fólk, sum hava menningartarn, hava sama rætt til ferðastuðul sum aðrir skattgjaldarar. 

TAKS hevur tó ikki nakra uppgerð, sum vísir tann partin av endurgjaldinum, sum fólk við menningartarni fáa, sigur Kristina Háfoss .