Løgmaður leggur revsilóg fyri tingið

Samstundis verða nakrar dagføringar eisini gjørdar í lógini.

Í hesum umfarinum snúgva dagføringarnar seg um kapittul 25-29, sum eru um brotsverk móti lívi og likami, móti persónliga frælsinum, um ónáðir og ærumeiðing, um fíggjarbrotsverk og um serligar ásetingar um løgfrøðiligar persónar.

- Tað er av stórum týdningi, at vit fáa tillagað revsilógina til føroysk viðurskifti, sigur Aksel V. Johannesen, løgmaður í fráboðanini.

Løgtingið heitti á heysti í 2015 á landsstýrið um at fara undir at føroyska og dagføra revsilógina. 

LØgmansskrivstovan sigur, at talan er um eitt sera umfatandi og tíðarkrevjandi arbeiði. Av somu orsøk verður arbeiðið gjørt í smærri pørtum.

Arbeiðið at føroyska alla revsilógina er væntandi liðugt í 2022.