50 dagar fongsul fyri harðskap

Ákærdi ella ákærda - tað stendur ikki á heimasíðuni hjá Sorinskrivaranum, um talan er um mann ella kvinnu -  noktaði sekt.

Men viðkomandi fekk dóm fyri at taka hart við báðum hondum um hálsin á hýruvognsføraranum. 

Hetta skal verða hent um kvøldið, 4. november í fjør, við peningasjálvtøkuna á Tinghúsvegnum í Havn.

Endurgjaldskravið er 4.000 krónur, men rætturin vísti tí til viðgerðar aðrastaðni. 

Dómurin er 50 daga treytaleys fongsulsrevsing, sum er vanliga revsingin fyri harðskap móti hýruvognsførarum.