Rokningin býtt í helvt millum tryggingarnar

Rokningin býtt í helvt millum tryggingarnar
Báðir partar høvdu skyldina í óhappinum, sigur rætturin. Tryggingarfelagið Trygd skal gjalda Betri trygging helvtina
Óhappið hendi norðan fyri Landsfjósið í Kollafirði.
 
03.03.2018 - 11:18

Lastbilur misti last á vegin, men persónbilarnir, sum koyrdu aftanfyri, koyrdu ikki eftir umstøðunum.

Tí verða skaðarnir býttir millum tryggingarnar:

Tryggingarfelagið Trygd skal gjalda Betri trygging góðar 39.000 kr. umframt rentu og 15.000 kr. í sakarkostnaði. 

Tað er niðurstøðan hjá Føroya rætti í einum sakarmáli millum tryggingarfeløgini bæði.

Betri trygging stevndi Trygd í august í fjør. Trygd varð stevnd eftir góðum 78.000 kr., men slapp við at gjalda helvtina.

Talan er um tveir skaddar persónbilar.

Lastbilur mist last 

Søgan er tann, at ein lastbilur misti nakrar ballur av glasull á vegin.

Tveir persónbilar, sum koyrdu aftan fyri lastbilin, fingu skaða fyri góðar 78.000 kr.

Lastbilurin var tryggjaður hjá Trygd, persónbilarnar hjá Betri trygging.

Rætturin skuldi taka støðu til, hvat tryggingarfelag skuldi gjalda fyri skaðarnar, sum persónbilarnir fingu. 

Betri trygging helt, at Trygd, har sum lastbilurin var tryggjaður, skuldi gjalda allar skaðarnar, sum persónbilarnir fingu, ella í hvussu so er tveir triðingar, tí lastbilurin elvdi til skaðarnar.

Trygd kravdi frídøming ella, í øðrum lagi, at sleppa við at gjalda helvtina av sakarkravinum.

Koyrdu ikki eftir umstøðunum

Rætturin sigur, at bilførararnir, sum koyrdu aftan fyri lastbilin, brutu ferðslulógina, tí teir koyrdu ikki eftir umstøðunum og fingu ikki bremsað í nóg góðari tíð. 

Rætturin sigur, at hvørki tann, sum koyrdi lastbilin, ella hinir bilførararnir hava alla skyldina.

Tí má ábyrgdin býtast millum partarnar, helvt um helvt. 

Tann, sum koyrdi lastbilin, fekk 500 kr. í bót fyri ikki at hava bilin nóg væl lastaðan. 

Eitt fólk fekk ringan skaða í óhappinum, sum hendi norðan fyri Landsfjósið í Kollafirði.

 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470