Blusa elvt til kjak í Løgtinginum

07.03.2018 - 15:00
Innlendis›Politikkur
Blusa elvt til kjak í Løgtinginum
Nú skulu reglur gerast fyri, hvussu ein sleppur at vera klæddur á Tingsinsrøðarapalli
Herfyri var Sonja Jógvansdóttir, tingkvinna í eini blusu, har orðið "feminist" stóð á
Mynd: Tingvarpið  

Herfyri var Sonja Jógvansdóttir, tingkvinna, í eini blusu, har orðið "feminist" stóð á. Nú reisir Páll á Reynatúgvu, tingformaður, spurningin um, hvat sømir seg hjá tingfólki at vera í á tingsins røðarapalli.

Formansskapurin í Løgtinginum fer tí nú at gera greiðar reglur fyri, hvussu ein løgtingslimir skal sleppa at vera klæddur í Løgtinginum. 

Uttanflokkatingkvinnan var ikki varug við, at hennara klædnaval fór at skapa kjak. Hon var enn minni varug við, at hetta nú elvir til, at formansskapurin í Løgtinginum fer at gera greiðar reglur um, hvussu ein hevur loyvi til at verða klæddur á tingsinsr øðarapalli.

- Hevði eg vitað, at hatta fór at skapa eina yvirskrift, so var eg kanska bara farin í eina aðra ljósareyðu blusu, sigur hon og leggur afturat, at tað sum varð sagt, var nógv týdningarmiklari enn tað, sum stóð á blusuni. 

Kanska relevant, kanska ikki

Tað eru serliga boðskapir og reklamir á pløggum, ið kunnu vera órógvandi, heldur Páll á Reynatúgvi, løgtingsformaður.

- Onkur heldur, tað er fantastiskt, og at tað er gott, at man fær tann boðskapin fram. Onkur annar heldur kanska ikki, at tað er ein relevantur boðskapur at vera ílatin, tá man er á tingsins røðarapalli, sigur Páll á Reynatúgvu millum annað um tað, at Sonja Jógvansdóttir var ílatin blus við orðinum "feminist", meðan hon stóð á tingsins røðarapalli. 

Hoyr samrøðu við Sonju Jógvansdóttir og Páll á Reynatúgvu omanfyri. 

 
Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592