Viðgera uppskot um tryggingarvirksemi

Sambært uppskotinum skulu skulu tryggingarfelagsskapir hava ein ávísan kapital fyri at kunna reka virksemi. Og krøvini til leiðslu og nevnd verða eisini herd.

Nevndin og stjórnin í einum tryggingarfelag, fíggjarligum haldfelagsskapi, holdingfelag, og tryggingarhaldfelagsskapi skulu hava nóg stóra vitan, fakligan førleika og royndir at røkja starvið ella uppgávuna í felagnum. 

Haraftrat skal ein nevndarlimur ella stjóri hava móg gott umdømi, verða heiðurligur, hava integritet og vera óheftur fyri kunna meta um og finnast at avgerðum, sum dagliga leiðslan tekur.

Ætlanin er, at lógarbroytingin og ein nýggj leiðslukunngerð og solvenskunngerð skulu koma í gildi 1. januar í 2019.

Tryggingarlógin verður dagførd, soleiðis at hon svarar til nýggju reglurnar, sum komu í gildi í Danmark og ES 1. januar í 2016.