Nærri Brexit

Men spurningurin um markið millum Norðurírland og Írland er framvegis ikki loystur. 

Tað segði samráðingarleiðarin hjá ES, Michel Barnier, á tíðindafundi eftir drúgvar samráðingar við bretska Brexit-ráðharran, David Davis.

Hann sigur, at ES og Bretland eru komin ásamt um eina skiftisskipan, tá Bretland formliga fer úr ES í mars 2019.

Skiftisskipanin endar nýggjársaftan í 2020.

- Í skiftistíðini sleppur Bretland ikki at vera við í avgerðum, sum ES tekur, tí landið er ikki longur limur í ES. Men Bretland sleppur at varðveita sínar fyrimunir í innara marknaðinum og tollsamgonguni, og Bretland noyðist tí at halda allar reglur, sum limalondini gera, sigur Barnier.

Skiftisskipanin umfatar eisini rættindi hjá teimum 4,5 milliónum ES-borgarunum, sum búgva í Bretlandi, og teir 1,2 milliónir bretarnar, sum búgva í ES-londunum.