Earth Hour 2018 leygarkvøldið 24. mars

Earth Hour er tímin, har ið ein verður mintur á, at vera góður við tí einu jørð, vit hava. 

Í sambandi við Earth Hour skipar Tórshavnar Kommuna fyri einum hugnaligum tiltaki í Tinghúsgarðinum hetta sama kvøld frá kl. 20.00-21.30

Tak tín egna kopp við

Tórshavnar Kommuna bjóðar kaffi og te at hita seg við, men í ár vera fólk vinarliga biðin um at taka sín egna kopp við. Hetta fyri at broyta vanan við at brúka einnýtiskoppar.

Meðan Earth Hour er, verða stórir partar av gøtuljósunum í Tórshavn og øll gøtuljósini í Nólsoy sløkt. Tískil heitir kommunan á fólk um at ansa sær í myrkrinum.

Ferðslan

Í samband við tiltakið verður vegurin stongdur frá Sverrisgøtu oman á Vaglið, millum kl. 20:00-22:00.

Ókeypis bussar koyra úr Kollafirði, Kaldbak, Kirkjubø og Velbastað í sambandi við tiltakið.

Nærri kunning fæst um hetta á heimasíðuni hjá Tórhavnar kommunu.