USA í øðini inn á Kina

Kinesarar tóku hetta stigið, eftir at amerikanski forsetin tók stig til at leggja avgjøld á stál og aluminium úr Kina.

Kina segði, at hetta varð gjørt fyri at verja síni áhugamál og at javnviga missin, sum kom av amerikansku avgjøldunum.

Atfinningarnar úr Hvítu Húsunum eru hvassar, skrivar BBC.

- Heldur enn at gera seg inn á rættvísa amerikanska útflutningin, eigur Kina at gevast við at skaða nationalu trygdina hjá US og at órógva altjóða marknaðin, sigur Lindsay Walters, talskvinna.

- Kinesiski vinnustudningurin og støðugu ovurframleiðslan er rótin í trupulleikanum í stálkreppuni, leggur hon afturat sambært BBC.

Amerikanski forsetin Donald Trump hevur áður lýst Kina sum ein "búskaparligan fígginda" og hevur fráboðað fleiri handilstiltøk móti Kina.