Nýtt koppingarevni móti tuberklum

Hetta er fyrsta vaksinan, síðani Calmette-vaksinan kom í 20'unum. Tað skrivar danski miðilin Jyllands-Posten. 

Uppdagingin av nýggja koppingarevninum er avgerandi og verður mett at hava effektiva ávirkan í at hindra tuberklum. 

Umleið triðji hvør kring knøttin er smittaður við turberklum, og umleið 1,7 milliónir menniskju doyggja av tuberklum hvørt ár - serliga í heimsins fátækastu londum. 

Granskarar kring allan knøttin hava í fleiri ár leitað eftir eini vaksinu móti tuberklum, tí Calmette-vaksinan bara kann nýtast til at koppseta børn. 

Og tí kemur nýggja uppdagingin sera væl við, sigur Peter Andersen, sum er granskingarstjóri á Statens Serum Institut.