BankNordik keypir egin partabrøv

Aðalfundurin í 2016 gav nevndini í BankNordik loyvi til at keypa partabrøv í bankanum.

Aðalfundurin gav loyvi til at keypa í mesta lagi 10 % av partabrævakapitali bankans. Fíggjareftirlitið hevur góðkent keypið.

BankNordik eigur 338.009 partabrøv í P/f BankNordik, 3,38 % av partabrøvunum í bankanum.

BankNordik sigur, at endamálið við partabrævakeypinum er at laga kapitalin hjá bankanum til umstøðurnar.

Bankin má ikki keypa partabrøvini fyri meira enn kursin, sum er galdandi í keypsskálanum í Keypmannahavn.